بيكاتا اللحمه ......

السلام عليك انا انهاردة جايبالكم طريقتى للبيكاتا باللحمه اول حاجه المقادير هانجيب نصف كيلو لحمه انتر كوت من عند الجزار وهتبقى تقريبا تلاته او اربع حتت بس نشيل منها الجزء اللى فيه دهون اللى حوالين شريحه اللحمه وعيش الغراب او مشروم وكريمه لبانى وبصله صغيرة وفص توم وشويه زيت اوسمنه او زبدة حسب الرغبه وملح وفلفل وجوزة الطيب الطريقه اولا بناخد اللحمه ونغسلها ونحطها فى صينيه على النار ونسيبها لغايه ماتنزل الميه بتاعتها ونشوحها على الناحيتين لغايه ما تاخد لون وبعدين نشيلها من الصينيه او الطاسه وفى نفس مكان اللحمه هانحط نصف معلقه صغيرة سمنه ونحط البصل المقطع وفص التوم المقطع ونشوحهم لغايه ما ياخدوا لون ونحط عليهم شويه دقيق صغيرين يعنى ربع ملعقه صغيرة وبعد كدة نحط المشروم ونقلب دقيقه وبعد كده نحط الكريمه اللبانى تقريبا من ربع الى نص كوبايه واحد واحدة ونقلب لمدة دقيقه وبعدين نحط اللحمه المتشوحه عليها ونقلب ونحط الملح والفلفل الاسود وجوزة الطيب حسب الرغبه وترفع من على النار وتغرف وتاكل بالهناوالشفا متنسوس تدعولى ربنا يكرمنى ويرزقنى الزريه الصالحه ويفك كربى انا وكل الناس اللهم امين