طريقه تنظيف البيت وانتى حامل

السلام عليكم ورحمة الله وبركاته


اخواتي العزيزات



تنظيف البيت علي الحامل امر مجهد ومتعب
طبعا مش هتفكري في تنظيف قبل اربع شهور من الحمل
ومنا كتير مش سهل علية انة يجيب خادمة تنظف انا واحدة مش بقتنع غير بتنظيفي انا



هقول لكم تجربتي في فترة الحمل مع تنظيف البيت يارب تنفعكم وتعجبكم



بسم الله نبدا
في الاول المطبخ
1* البوتجاز لو علية بواقي اكل واشياء لازقة فية عشان تسهلي تنظيفها ضعي القليل من الماء حتي تذوب ويسهل تنظيفها ضعي الماء واتركية وابدائي في عمل اخر مثل غسل المواعين مثلا
وبعدين نشفي المية ونظفية هتلاقية سهل معاكي جدا



2* الارضيات نفس الحكاية لو متراكم عليها دهون او حاجة ضعي عليها الماء وبعدين نظفي



3*لتنظيف غلاي الماء ولمعانة اذا كان استيل ضعي فية الماء والخل ودعية يغلي وبعدين اغسلية



4*لتنظيف الشفاط طبعا هتخلي ابو الشباب يخلعة عشان انت ياام العيال غلط تطلعي علي السلم وتخلعي الشفاط
جيبي ماء ساخن وشوية اريال واتركي الشفاط فية شوية طبعا الاجزاء اللي بتوضع في المية وبعدين نظفي بسلكة مواعين وهتلاقي الدهون والشحوم طلعت ولا اسهل
5*طبعا لتلميع الاكواب الاطباق الزجاجية استعملي اسفنجة و اريال وليس سائل الاطباق للحصول علي لمعة خيالية بس اشطفيها كويس عشان الريحة



ثانيا الحمام اعزكم الله



امي دايما تقول ان نظافة الحمام من نظافة البيت كلة



1*لتنظيف البانيو ضعي القليل من المسحوق والماء واتركيهم فترة وبردة عشان مش هتعرفي تنحني تنظفية كنت بعمل فكرة حلوة المقشة او المكنسة بتاعة الارض طبعا ببقي خلصت وعايزة اغسلها بغسلها كويس وبعدين ادعك بيها البانيو وانا واقفة بكرامتي هههه من غير مااحني ظهري والله بتعطي نتيجة هايلة



2* لتنظيف الحوائط العالية المساحة الاسفنجية اللي بنمسح بيها الارض يارب تكونو عرفتوها بعمل بيها الحوائط مع وضع عليها سائل التنظيف خفيف والله وبتشوفي نظافة ولمعة من غير ماتعرضي نفسك لخطر الوقفة علي السلم او اي شي للوصول الي الاماكن المرتفعة
3*للاحواض والتواليت استخدمي اليم بودر تحفة لتنظيف الاحواض



4* لتنظيف المراة ماء مضاف الية نفطة خل هتلاقي المرايا تحفة



5*طبعا لمسح الارضيات مش هتعرضي نفسك وجنينك للانحناء هتستخدمي المساحة الاسفنجية هتسهل عليكي وهتنظف بيتك جدا



6* استخدمي الديتول للحصول علي التعقيم والنظافة



ثالثا غسل الملابس



طبعا كلنا عندنا غسالات اوتوماتيكية
بس ساعات الحظ بيلعب دورة
وانا حامل الغسالة خربت وطبعا علي الصيانة ماتمت كنت قعدت اسبوعين والغسيل اتجمع فلابد من التصرف



***الغسيل الابيض
انقعي الملابس البيضاء في ماء ساخن واريال وكلور من المساء للصباح
والصبح خرجي واشطفي بالداوني والزهرة وبس وهتلاقي نظافة احسن من الغسالة الاوتوماتيك



***الغسيل الالوان
كمان انقعي بس بكلوركس الالوان عشان يثبت والالوان مش بتحتاج اكتر من ساعتين للنقع




بالنسبة لباقي البيت
ضعي في كل حجرة باسكيت لوضع المخلفات البسيطة بدلا من تركها بجانبك او القيام للتخلص منها كل شوية
حاولي تستغلي زوجك يوم الاجازة للنزول للتسوق واشتري متطلبات الاسبوع عشان متحتاجيش تنزلي وسط الاسبوع وتشيلي اشياء ثقيلة



استعيني بزوجك لحمل طبق الغسيل التقيل ههههههه
اشمعني انت حامل ابنة هههه ربنا يقومك بالسلامة